Plantun de Prouvènço

Pèr coumpara dos planto d'encò nostre

Lunaria rediviva & Bupleurum stellatum

Desferro-miòu

Lunaria rediviva

Brassicaceae Cruciferae

Àutri noum : Erbo-de-la-routo, Desferro-mulet.

Noms en français : Lunaire vivace, Lunaire odorante.

Descripcioun :
Lou desferro-miòu es uno planto devengudo raro que trachis dins li bos fres e umido de basso mountagno. Li flour soun claro e embaumon. Se recounèis tambèn à si fueio que podon deveni esnormo e à si siliculo pu longo que li de la mounedo-dóu-Papo, mai coumuno e di flour pu acoulourido.

Usanço :
Coume pèr la mounedo-dóu-Papo, li jóuini brout soun manja en Bousnìo. Flour, fueio e fru soun tambèn manjadis mai pulèu amar (F. Couplan, op.cit. p. 316). Pamens l'acampas pas qu'es uno planto proutegido.

Port : Erbo
Taio : 40 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lunaria
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 1,5 à 3 cm
Flourido : Printèms - Estiéu

Sòu : Ca
Autour basso e auto : 200 à 1600 m
Aparado : Vo
Mai à juilet

Liò : Bos fres - Gaudre
Estànci : Mountagnard
Couroulougi : Éurosiberiano
Ref. sc. : Lunaria rediviva L., 1753

Buplèvre(-estela)

Bupleurum stellatum

Apiaceae Umbelliferae

Nom en français : Buplèvre étoilé.

Descripcioun :
Aquéu buplèvre trachis dins li roucas e li tepiero séusouso de mountagno. Èi mai coumun à l'uba de noste relarg. Se recounèis à si gràndis enflourejado qu'an de lòngui brateolo soudado e jauno. Li fueio soun longo e en lanço e parton de la baso que la cambo èi quàsi nuso. Lou fru de 4 à 5 mm, poulidet, porto de gròssi costo (vèire li fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2,5 à 3 cm
Flourido : Estiéu

Sòu : Si
Autour basso e auto : 1200 à 2700 m
Aparado : Noun
Remarco : Endemico dis Aup
Juliet à avoust

Liò : Roucas - Tepiero roucaiouso - Champino
Estànci : Mountagnard à Aupen
Couroulougi : Ouroufito-Cèntre-Éuroupenco
Ref. sc. : Bupleurum stellatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lunaria rediviva & Bupleurum stellatum

ges

Coumpara Desferro-miòu emé uno autro planto

Coumpara Buplèvre(-estela) emé uno autro planto